Jen mi refoje trovis la kadavron de cikado.
Ankaŭ hodiaŭ estas varma tago, kaj cikadoj gaje ĉirpas. Sed laŭ la kalendaro antaŭ kelkaj tagoj aǔtuno jam alvenis, kaj hieraŭ vespere mi aŭdis ke grilo ĉirpis… Bone, mia plej malŝatata sezono, somero ekforiras. :-)
Mi maltrafis la buson kiu veturas al la urbo en kiu miaj gepatroj loĝas. La urbo estas malgranda, tial la busoj malofte veturas…
Mi devos atendi sekvantan buson kiu ekveturos je la dudek dua kaj dudek du. Sed bone, trinkante kafon, mi nun legas romanon ĉe la kafejo kiu estas apud la bushaltejo. :-)
Ankaŭ hieraŭ mi restis hejme, kaj nenion specialan faris. Mi nur legis romanon (”Lisey’s Story” de Stephen King), spektis DVD-ojn (”Lost”, kaj “La mastro de la ringoj: La du turoj”), kaj ludis kaj babilis kun miaj geamikoj en Dua Vivo.
Kiam post mi finspektis DVD-ojn, mi ensalutis en Duan Vivon, tiam mi renkontis mian polan amikinon M, kaj mi eksciis ke japana novulino kiu povas paroli esperante aperis. Mi bedaŭris ke mi ne povis renkonti ŝin, sed feliĉe ŝi vizitis min hodiaŭ. Kompreneble mi alparolis ŝin, kaj demandis ŝin ĉu vi estas japanino, kiel vi eksciis pri Dua Vivo kaj tiel plu, sed…
Ŝi ne respondis kaj nenion parolis.
Finfine miaj someraj ferioj komenciĝis hodiaŭ!!
Bonege, mi ne bezonos labori ĝis la venonta lundo!!
Kien mi veturos? Nenien mi veturos.
Sed mi somerferios en mia nova insulo kiu estas en Dua Vivo!! (Lastatempe mi refaras mian lokon iom tropika.) Tie mi manĝos bongustan kaj dolĉan kaj malvarman akvomelonon kaj legi romanojn sidante sur la marbordo kaj ĝuos kanuadon kaj ĝuos babiladon kun miaj geamikoj kaj… Jes!! Mi vizitos eksterlandon!!
Jes, sed virtuale…
Estas la kvara kaj kvindek kvin, kaj nuna temperaturo jam estas dudek ok celsiaj gradoj, kaj mi jam vekiĝis pro la varmeco. Sed bone, malvarmigante mian korpon per la klimatizilo en mia vivĉambro, mi skribu ion pri la filmo kiun mi spektis hieraŭ vespere…
Hieraŭ vespere post laboro mi spektis “The Mist / La Nebulo” kun mia kunloĝantino U en malgranda kaj malnova kinejo en la urbo Sangenĝajo kiu estas proksima de mia loĝejo. Al ni ambaŭ la la originalo de la filmo kiu estas la novelo de Stephen King. Sed… Ho ve, kia finaĵo de la filmo estas!! Ni ambaŭ preferas la originalon ol la filmon.
Verdire ni ambaŭ ne ŝatas Frank Darabont, ĉar li malbonigis kelkajn verkojn de Stephen King kiuj estas “Green Mile”, “Rita Hayworth and Shawshank Redemption” kaj la originala novelo de la filmo “The Mist” laŭ nia opinio.
Hieraŭ mi komencis uzi iPhone. Mi jam instalis helpilojn por Facebook kaj Twitter, kaj provis preskaŭ ĉiujn funkciojn, kaj mi preskaŭ kontentiĝas je iPhone. Sed kiam per skribilo de iPhone mi ion skribas, tiam iPhone aŭtomate korektas miajn vortojn ĝuste… ne, angle… Ekzemple, kiam mi provis skribi “kion”, tiam iPhone aŭtomate korektis la vorton “lion”…
Ĉu oni ankoraŭ ne povas esperantigi iPhone?
Kaj mi pensas ke iPhone ne estas poŝtelefono. Ĉar mi ankoraŭ ne provis poŝtelefonon sufiĉe longe, sed mi rimarkis ke la sono estis ne tiom bona, kaj ĝi ne estas faciluzebla kiel japanaj aliaj poŝtelefonoj. Sed por mi tio ne gravas. Ĉar mi malofte uzas poŝtelefonon, kaj jes, mi ne havas multe da konatulojn kiuj telefonas min. ;-)
Delonge mi ne uzis murmurilon “Twitter”. Sed bone, hodiaŭ mi trovis programeton per kiu oni povas “murmuri” en Twitter de Facebook. Mi jam rekomencis uzi la murmurilon, kaj ankaŭ tie mi trovis kelkajn esperantistojn, kaj kelkaj el ili estis mia konatulo.
Ankaŭ hodiaŭ estis tre varmega kaj humidega tago, kaj la suno terure brilis. Sed feliĉe hodiaŭ en mia oficejo la klimatizilo bone funkciis… Ne, ĝi tro forte funkciis, kaj mia oficejo fariĝis malvarmujo. Pro tio mia maldekstra genuo doloris min… Ah, ne ĝi ankoraŭ doloras min. Hm, bone, do, mi murmuros pri tio…
Mi jam disreviĝis pri la esperantaj grupoj en japanaj interkonaj retejoj mixi kaj Gree, ĉar preskaŭ ĉiuj grupanoj nenion skribas aŭ malofte skribas kaj preferas skribi japane kaj aliaj… Kial ili ne preferas skribi esperante? Ĉu ili ne volas praktiki kaj ekzerci sian Esperanton? Kaj ĉu ili ne volas komuniki kun kelkaj el la grupanoj kiuj ne komprenas la japanan? Mi tute ne komprenas ilin…
Sed bone, tio nun ne gravas. Ĉar hieraŭ mi ekprovis esperantajn grupojn en facebook. Hehe, la grupanoj venas el la tuta mondo kaj ties lingvoj estas diversaj, tial la grupanoj ĉiam devas uzi Esperanton. Feliĉe mi jam rimarkis tre multajn esperanto-parolantojn tie, kaj trovis kelkajn gekonatulojn. :-)
Facebook estas interkona retejo kiel mixi aŭ Gree, sed en ĝi oni povas uzi tre multajn programetojn. Tio amuzus min. Mi nun provas kelkajn programetojn. Ho, kaj bonege, ĝi nun estas tradukata en Esperanton.
Hodiaŭ vespere mi aĉetis ukulelon.
Ĝi tre plaĉas al mi.
Hieraŭ post vespermanĝo mi ensalutis en Duan Vivon, kaj mi tuj rimarkis ke kelkal homoj estas apud mia domo en Dua Vivo (Emilio Cid, mia instruistino T, mia pola amikino M, kaj mia franca amiko M.) Jes, feliĉe tiam ankoraŭ ne finiĝis la Kleriga Lundo. Per la rolfigulo de mia instruistino T miaj instruistinoj Anna kaj Bea montras Duan Vivon al la kongresanoj. Mi klarigis pri la teleportilo al aliaj esperantaj lokoj, kaj per la teleportilo ili tuj foriris al Esperanto-arbareto.
Kaj hodiaŭ matene mi ricevis mesaĝon de mia dana amiko E. En la mesaĝo li montris al mi kelkajn fotojn de la Movada Foiro en la Universala Kongreso en Roterdamo, kaj mi eksciis ke ankaŭ li uzas facebook. Antaŭ kelkaj monatoj ankaŭ mi ekhavis la konton, sed mi ankoraŭ ne uzis ĝin…
Bone, mi provu ĝin.
Twitter Notoj
|
